سکۆلارشیپی زانکۆی هۆهای بۆ ساڵی ٢٠٢٦ ئێستا کراوەیە بۆ پێشکەشکردن. ئەمە هەلێکی “تەواو فەند”ـە (Fully Funded) بۆ خوێندکارانی نێودەوڵەتی کە دەیانەوێت درێژە بە خوێندنی ماستەر یان دکتۆرا بدەن لە چین لەژێر چەتری سکۆلارشیپی حکومەتی چین. ئەم سکۆلارشیپە لەلایەن وەزارەتی پەروەردەی چینەوە دابین دەکرێت و هەموو تێچووەکانی خوێندن و ژیان لەخۆدەگرێت.
پوختەی سکۆڵەرشیپ
- وڵات: چین
- زانکۆی میواندار: زانکۆی هۆهای (Hohai University)
- ئاستی خوێندن: ماستەر، دکتۆرا
- جۆری سکۆلارشیپ: تەواو فەند (Fully Funded)
- کۆتا وادەی پێشکەشکردن: ١٠ی نیسانی ٢٠٢٦ (10 April 2026)
سودەکان
سکۆلارشیپی CSC لە زانکۆی هۆهای هەموو خەرجییەکان بۆ خوێندکارە نێودەوڵەتییەکان دابین دەکات، لەوانە:
- لێخۆشبوون لە کرێی خوێندن بە تەواوی (Tuition Fee).
- دابینکردنی شوێنی مانەوەی بێ بەرامبەر (بەشی ناوخۆیی).
- بیمەی تەندروستی گشتگیر.
- دەرماڵەی مانگانە:
- بۆ خوێندکارانی ماستەر: ٣,٠٠٠ یوان (CNY) مانگانە.
- بۆ خوێندکارانی دکتۆرا: ٣,٥٠٠ یوان (CNY) مانگانە.
مەرجەکانی وەرگرتن
- پێشکەشکار دەبێت هاوڵاتی چینی نەبێت و تەندروستی جەستەیی و دەروونی باش بێت.
- مەرجی تەمەن و بڕوانامە:
- بۆ ماستەر: دەبێت هەڵگری بڕوانامەی بەکالۆریۆس بێت و تەمەنی لە ٣٥ ساڵ کەمتر بێت.
- بۆ دکتۆرا: دەبێت هەڵگری بڕوانامەی ماستەر بێت و تەمەنی لە ٤٠ ساڵ کەمتر بێت.
- دەبێت نمرەی نایاب و توانای توێژینەوەی زانستی بەهێزی هەبێت.
- نابێت سودمەند بێت لە هیچ سکۆلارشیپێکی تر لە هەمان کاتدا.
- شارەزایی زمان: بڕوانامەی HSK ئاستی ٤ یان بەرزتر (بۆ ئەوانەی بە چینی دەخوێنن). بۆ ئەوانەشی بە ئینگلیزی دەخوێنن دەبێت بەڵگەی وەک ئایەڵتس یان تۆفڵ پێشکەش بکەن.
بەڵگەنامە داواکراوەکان
بۆ پێشکەشکردن پێویستە ئەم بەڵگەنامانە ئامادە بکەیت (بە زمانی چینی یان ئینگلیزی):
- فۆرمی داواکاری سکۆلارشیپی حکومەتی چین (CSC Application Form).
- کۆپی فۆرمی پشکنینی پزیشکی بیانییەکان (Foreigner Physical Examination Form).
- بڕوانامەی دەرچوون (Notarized Degree)؛ ئەگەر هێشتا دەرنەچوویت، بڕوانامەی چاوەڕوانکراوی دەرچوون.
- وێنەی نمرەکان (Transcripts) بە پەسەندکراوی.
- دوو نامەی پشتگیری (Recommendation Letters) لەلایەن پرۆفیسۆر یان پرۆفیسۆری یاریدەدەرەوە.
- پلانی خوێندن یان توێژینەوە (Study Plan/Research Proposal) – کەمتر نەبێت لە ٨٠٠ وشە.
- بەڵگەی زمانی چینی (HSK) یان ئینگلیزی (IELTS/TOEFL).
- کۆپی پاسپۆرت (پەڕەی زانیارییەکان و ڤیزا ئەگەر هەیە).
- بەڵگەی توێژینەوەی بڵاوکراوە یان خەڵات (ئەگەر هەبێت).
چۆنیەتی پێشکەشکردن
پێشکەشکردن بە دوو قۆناغی ئۆنلاین دەبێت:
- تۆمارکردن لە زانکۆ: سەرەتا لە سیستەمی ئۆنلاینی زانکۆی هۆهای هەژمار دروست بکە و داواکاری پێشکەش بکە و بەڵگەکان بار (Upload) بکە.
- تۆمارکردن لە CSC: بچۆە ناو سیستەمی سکۆلارشیپی حکومەتی چین، جۆری (Type B) هەڵبژێرە.
- کۆدی ئاژانس بۆ زانکۆی هۆهای (Agency Code): 10294
- پێویستە کرێی پێشکەشکردن (Application Fee) بدەیت کە لەلایەن زانکۆوە دیاری دەکرێت.
- دڵنیابەرەوە لەوەی ئیمەیڵەکەت و پۆرتاڵەکە بەردەوام چک دەکەیت بۆ هەر ئاگادارکردنەوەیەک یان دیاریکردنی وادەی چاوپێکەوتن.